Tempural VIDEO

Le sire de lüi ien propi sburiente, se mộv nò una fôia e te se no dun metet per bufà, ghe se vürares un bigul d’aria dôpú una giurnãda de laurà.
Te speri in un tempural ch’el rinfresca un brisinin sensa fa trop casin.
Da luntán cümincia a sümelgà e dopü un po se sent a trünà, dei nigülon negri se curu adré, el tempürál el cumincia a fà el so mesté.
Tut dún bot riva un ventòn scapa giú tanti guton: dopu un atimin pàr el finimund ghè le piante che se piega fin en fünd.
Ghè una fumina che se vêd pù e la tempesta la vegn giú, da prima fina fina pô grôsa tame una balina.
O signúr che pagüra menù màl che lè dürad un quart dura.
Guardi föra e sül balcõn ghe pü de fiüri sacranôn.